Forsíða

Velkomin á heyrumst.is!

Heyrumst.is! er vefur á vegum Barnaheilla, Save the Children, á Íslandi fyrir alla sem eru undir 18 ára aldri.

Ef þig vantar ráðgjöf eða stuðning sendu okkur póst í gegnum "Fáðu Ráðgjöf" og þú færð svar innan sjö daga frá ráðgjafa Barnaheilla. Þú getur valið um hvort spurning þín birtist á heimasíðunni eða bara ráðgjafinn sjái hana.
Við gætum alltaf fyllsta trúnaðar.

Eða er eitthvað sem þú vilt koma á framfæri varðandi réttindi þín eða lífið almennt, skólann eða hvað sem er? Þá er "Tjáðu þig" vettvangur fyrir þig. Þar getur þú skrifað um allt milli himins og jarðar.
Við viljum heyra skoðanir þínar!

Tjáðu þig: Liggur þér eitthvað á hjarta? Er eitthvað sem þú vilt koma á framfæri varðandi réttindi þín eða lífið almennt, skólann eða hvað sem er þá er þetta vettvangur fyrir þig. Hér getur þú skrifað um allt milli himins og jarðar og mun það birtast á vefnum. Meira +
Fáðu ráðgjöf: Allir sem eru undir 18 ára aldri geta nýtt sér ráðgjöfina. Hér getur þú spurt okkur spurninga, leitað ráða eða skrifað um það sem þér liggur á hjarta. Þú ræður og getur skrifað um hvað sem er, við svörum öllum. Meira +
Hvert get ég leitað: Á þessari síðu ætlum við að hafa tenglasafn svo það hjálpi þér að leita upplýsinga um hin ýmsu málefni. Ef það er eitthvað sem þú ert að leita að en finnur ekki, skrifað okkur þá bréf í gegnum Fáðu ráðgjöf og við svörum þér. Ef þér líður illa og þarft að fá aðstoð hikaðu ekki við að hringja í hjálparsíma Rauða Krossins 1717. Hann er opinn allan sólarhringinn og það kostar ekkert fyrir þig að hringja í hann og fyllsta trúnaðar er gætt. Ef er um neyðartilvik að ræða hringdu þá í 112 og þar færðu aðstoð. Meira +
Hjálp núna!: Lífið getur stundum reynst okkur erfitt. Stundum líður okkur illa og vitum kannski ekki alltaf af hverju. Það er alltaf gott að geta leitað til einhvers til að tala um hlutina, þá líður manni oftast betur. Það getur verið einhver fullorðinn eða vinur sem maður þekki vel og treystir. Meira +

Börn eiga rétt á að tjá sig nema það brjóti gegn almennu siðgæði, skaði mannorð eða brjóti gegn réttindum annarra. Börn eiga rétt á að leita sér upplýsinga, taka við upplýsingum og koma þeim á framfæri.

Menntun á að gefa börnum tækifæri til að þroskast á eigin forsendum. Börn eiga að geta ræktað hæfileika sína og menntun á að undibúa þau til að lifa ábyrgu lífi í frjálsu þjóðfélagi í anda skilnings, friðar, umburðarðarlyndis, jafnrétti kynjanna og vináttu allra þjóða og þjóðernishópa. Menntun á að stuðla að virðingu fyrir mannréttindum, mismunandi menningarlegri arfleið, tungu og gildismati, öðru fólki og náttúrulegu umhverfi mannsins.

Börn eiga rétt á grunnmenntun án endurgjalds og skulu eiga kost á framhaldsmenntun og upplýsingum og ráðgjöf um nám og störf. Aðildarríkjum ber að koma á skólaskyldu, gera ráðstafanir sem stuðla að reglulegri skólasókn og reyna að draga úr brottfalli nemenda. Agi í skólum skal samrýmast mannlegri reisn barnsins og vera í samræmi við sáttmála þennan.

Börn eiga rétt á að búa við aðstæður sem stuðla að líkamlegum, andlegum og félagslegum þroska og bera foreldrar höfuðábyrgð á lífsskilyrðum og framfærslu barna sinna. Aðildarríki skulu tryggja foreldrum fjárhagssaðstoð og stuðningsúrræði ef þörf krefur. Jafnframt skulu aðildarríkin tryggja sérhverju barni innheimtu framfærslueyris frá þeim sem ber fjárhagslega ábyrgð á barninu, hvort sem viðkomandi býr innanlands eða í útlöndum.

Allar ákvarðanir eða ráðstafanir yfirvalda er varða börn skulu byggðar á því sem börnum er fyrir bestu. Setja á lög og reglur sem tryggja börnum þá vernd og umönnun sem velferð þeirra krefst. Aðildarríki eiga að sjá til þess að stofnanir sem annast börn uppfylli reglur sem stjórnvöld hafa sett, sérstaklega um öryggi, heilsuvernd, fjölda og hæfni starfsmanna og yfirumsjón.

Öll börn skulu njóta réttinda Barnasáttmálans án tillits til kynþáttar, litarháttar, kynferðis, tungu, trúar, stjórnmálaskoðana, ætternis, fötlunar, félaglsegrar stöðu eða annarra aðstæðna þeirra eða stöðu eða athafna foreldra þeirra.

Velkomin á heyrumst.is!

Innskráning

Veldu tungumál

ÞÍN RÉTTINDI